Ijtimoiy tarmoqlarda "Urganch bog'i tutinda qoldimi?" sarlavhasi ostida tarqalgan xabar yuzasidan viloyat Ekologiya, atrof-muhitni muhofaza qilish va iqlim o'zgarishi boshqarmasi Urganch shahar bo'limi, Milliy Gvardiya hamda Xorazm viloyati FVB xodimlari tomonidan tezkorlik bilan o'rganish ishlari olib borildi.

Mazkur o'rganish davomida Urganch shahar Amir Temur nomidagi madaniyat va istirohat bog'i davlat korxonasi hududiga qarashli bo'lgan belgilanmagan joyda ang'iz, hazon va shoh-shabbalar hamda o'simliklar qoldiqlarini yoqib yuborilganlik holati aniqlandi.

Holat tezkorlik bilan Xorazm viloyati FVB xodimlar tomonidan bartaraf etildi va holat yuzasidan korxona rahbari SH.I ga nisbatan O'zbekiston Respublikasi MJtKning  88-moddasi 3-qismi bilan ma'muriy bayonnoma rasmiylashtirildi.

Xorazm viloyati Ekologiya boshqarmasi matbuot xizmati