Prezidentimiz tashabbusi bilan tup daraxt va buta ko‘chatlarini ekishga yo‘naltirilgan “Yashil makon” umummilliy loyihasining amalga oshirilayotgani tom ma’noda xalq harakatiga aylandi, desak mubolag‘a bo‘lmaydi. 

Bugun Qo‘shko‘pir tumanida ham “Yashil makon” umummilliy loyihasi doirasida ko‘chat o‘tqazish ishlariga start berildi.  Uyushqoqlik bilan tashkil etilgan ushbu jarayonda nafaqat soha vakillari balki, shu Vatan kelajagiga befarq bo‘lmagan har bir inson, har bir fuqaro  ishtirok etdi. 

Ayniqsa, barcha darajadagi rahbarlar, jumladan, hokimiyat xodimlari, mahalla faollari, jamoat arboblari, nuroniylar, qolaversa, barcha tashkilot xodimlari faol ishtirok etdilar. 

Bugun Dovud mahallasida ajratilgan hududga 1150 tup har xil turdagi ko‘chatlar ekildi. “Yashil makon” umummilliy loyihasi doirasida ko‘chat o‘tqazish ishlari davom etmoqda.