Bosh prokuror o‘rinbosari Sh.To‘xtaboev boshchiligidagi ishchi guruhi Xorazm viloyati Bog‘ot tumanida joylashgan “Qalajiqqal'a OAZIS ekoturizm” fermer xo‘jaligiga qarashli ekoturizm maskani faoliyati bilan tanishdi. 

Bugungi kunda ekoturistik maskanda 2 ta restoran, 300 o‘rinli amfiteatr, 1 ta 20 o‘rinli mehmonxona, 10 ta hunarmandchilik savdo rastalari, 14 ta savdo shaxobchalari, 30 gektar maydonda sun'iy baliq havzalari, 10 ta uy o‘tovlari hamda 500 o‘rinli yozgi dam olish joylari (plyaj) tashkil qilingan va ekoturistik maskanining bir qismi ishga tushishi natijasida 180 nafar aholi bandligi ta'minlangan bo‘lib, loyiha to‘liq 2025 yilda ishga tushirilishi rejalashtirilgan.

“Qalajiqqal'a OAZIS ekoturizm” fermer xo‘jaligiga qarashli ekoturizm maskani faoliyatini to‘liq yo‘lga qo‘yishda amaliy yordam ko‘rsatish yuzasidan mas'ullarga tegishli ko‘rsatma va topshiriqlar berildi.