Viloyat prokuraturasi va ekologiya, atrof-muhitni muhofaza qilish va o‘rmon xo‘jaligi sohasidagi qonunchilik ijrosi ustidan nazorat bo'limi, "Xorazm suv ta'minoti" MChJ qarashli Urganch suv tozalash inshooti faoliyati bilan tanishib, aniqlangan  kamchiliklarni bartaraf qilish yuzasidan mas'ullarga tegishli topshiriq va ko‘rsatmalar berildi. 

Ma'lumot o'rnida: inshootining suv olish manbasi “Shovot” kanali hisoblanib, suv ko‘tarish nasos stansiyasi (quvvati 100 ming m3), gorizontal suv tindirgichlar, radial suv tindirgichlar, filtrlash stantsiyasi, toza suv rezervuarlari va nasos stantsiyasi, xlorator, reagentlash binolaridan iborat bo'lib, inshootda barcha texnologik jarayonlar hamda xlorlash uskunalari kompyuter orqali boshqariladi.

Bu yerda suv 3 bosqichda tozalanadi. Tozalangan suv xlorlanib, nasos stansiyasi yordamida Urganch shahar suv taqsimlash inshooti orqali vodovod quvurlari yordamida Urganch shahri, Urganch tumani, Gurlan, Yangibozor, Xiva, Shovot va Qo‘shko‘pir tumanlari hamda Qoraqalpog‘iston Respublikasining Amudaryo tumani aholisiga yetkazib beriladi.