Ijtimoiy tarmoqlarda "Urganch tumanidagi zavoddan chiqayotgan tutunlarga qarang, bu hayot uchun xavfli emasmi?" sarlavhasi ostida tarqalgan video xabar yuzasidan tumanning Chotko'pir wishlig'i Xidoyat mahallasi hududida joylashgan "Jayxun" yo'llardan muntazam foydalanish unitar korxonasi hududida viloyat Ekologiya boshqarmasi Urganch tuman bo'limi davlat inspektorlari tomonidan kuzatuv ishlari olib borildi.

Kuzatuv jarayonida "Jayxun" UKsiga qarashli bo'lgan asfalt-beton ishlab chiqarish korxonasi bugungi kunda ish faoliyatida emasligi va ushbu korxonada texnik ta'mirlash ishlari olib borish jarayonida to'planib qolgan katta miqdordagi changning qisqa vaqt maboynida atmosfera havosiga ko'tarilganligi aniqlandi.

Bugungi kunda mazkur havo tozalash uskunasidagi mavjud filtrlari tozalanib, korxonada joriy ta'mirlash ishlari yakunlangan.

Kelgusida bu kabi noxush holatlarni oldini olish yuzasidan "Jayxun" UK mas'ul xodimlariga belgilangan me'yoriy hujjatlar asosida amalga oshirish yuzasidan zarur topshiriq va kerakli ko'rsatmalar berildi.