Urganch tumanidagi “Yangi Shovot yo`li” ko‘chasida soliq tizimi hodimlari sahovatli tadbirga qo‘l urishib, daraxt ekish ishlarini davom ettirishmoqda.

Ko‘chat yetishtirish bo‘yicha mutaxassislardan maslahatlar olinib, yo‘l chetlariga 200 dan ortiq mevali va manzarali daraxt ko‘chatlarini o‘tqazdilar.

Mutaxassislarning fikriga ko‘ra, mevali daraxtlar asosan hasharotlar orqali changlanib, changi nisbatan og‘ir bo‘lgani uchun havoda uchib yurolmaydi. Demak, asosiy yo`llarda ham manzarali daraxtlar qatorida mevali daraxtlarni ekish an’anasini tiklashimiz lozim. Mahallalarda, turar joy binolari atrofida aynan mevali daraxtlarning ekilishi har tomonlama maqsadga muvofiqdir – ham atrof-muhitga foyda, ham mevasi iste’mol qilinadi, ham allergiya chaqirmaydi.