Xiva tumanining Shomoxulum mahallasida koʼchat ekish boʼyicha amaliy koʼrgazmali seminar boʼlib oʼtdi. 

Mahalladagi 3 gektar maydonga Xorazm iqlim sharoitiga chidamli turli xildagi manzarali koʼchatlar ekildi. 

Tadbirda tuman hokim koʼchatlarni sifatli ekish va ularni asrab avaylash parvarishlash boʼycha har bir fuqaro  masʼul ekanligini, nafaqat ochiq maydonlarga balki aholi yashash xonadonlari oldida, ariq-zovurlar boʼylarida ham koʼchat ekish ishlarini amalga oshirish lozimligi toʼgʼrisida soʼz yuritdi.

Jarayonda tuman sektor rahbarlari, idora-tashkilot xodimlari va mahallalardagi faol koʼngillilar ishtirok etishdi. Bu kabi tadbirlar tumanning barcha hududlarida amalga oshiriladi.