Bosh prokuror oʼrinbosari Sherzod Toʼxtaboev boshchiligidagi ishchi guruhi Xorazm viloyati Hazorasp tumani, “Karvak” mahallasida joylashgan tuman tibbiyot birlashmasiga qarashli 33-sonli oilaviy poliklinika va “Gʼ.Gʼulom” mahallasida joylashgan 24-sonli umumiy oʼrta taʼlim maktabining kuz-qish holatiga tayyorgarlik holatini oʼrgandi.

Аniqlanishicha, 33-sonli oilaviy poliklinika 16 803 nafar aholiga xizmat koʼrsatib, unda 9 nafar shifokor, 45 nafar xamshira va 10 nafar texnik xodimlar xizmat faoliyatini olib borib, muassasada Oʼzbekiston Respublikasi Prezidentining PK-57- sonli Qaroriga asosan 1 ta kotel yangisiga almashtirilgan va 58 tonna koʼmir zaxirasi mavjud.

Shuningdek, tuman maktabgacha va maktab boʼlimiga qarashli 24-sonli umumiy oʼrta taʼlim maktabida 2023-2024 yil oʼquv yilida 360 nafar oʼquvchilar tahsil olib, maktabda 42 ta oʼqituvchi va 13 ta texnik xodimlar ishlab kelib, maktabda 2 ta kotel mavjud boʼlimb, koʼmir zaxirasi 
72.2 tonnani tashkil qiladi.

Oʼrganishda, ishchi guruh tomonidan ijtimoiy obyektlarning kuz-qish holati boʼyicha masʼul xodimlariga tegishli koʼrsatma va topshiriqlar berildi.