16-sentabr-Butunjahon tozalik kuni munosabati bilan Xorazmda press-tur tashkil etildi

Viloyat Ekologiya boshqarmasi tomonidan "MATBAA PAPER" MChJ hamda "JAYHUN XORAZM SAVDO" MChJ larga press-tur tashkil etildi. 

Press-turda viloyat Ekologiya boshqarmasi masʼullari, jurnalist hamda blogerlar qatnashdi. Qatnashchilarga korxonada chiqindilarni qayta ishlash jarayoni va undan olinayotgan ikkilamchi xomashyolar bo‘yicha ma'lumotlar berildi. 

Ma'lumot uchun, har ikkala korxonadagi zamonaviy uskuna va jihozlar Xitoy davlatidan keltirilgan. "MATBAA PAPER" MChJ umumiy maydoni 1,3 gektarni tashkil etib, Korxonada qog'oz ishlab chiqarilmoqda. Mazkur korxonada hozirda 93 nafar kishi ish bilan ta'minlangan bo'lib, yillik quvvati 4210 tonna. "JAYHUN XORAZM SAVDO" MChJning umumiy maydoni 19,4 gektarni tashkil etib, yelim idish va polietilen maxsulotlarini qayta ishlab kelmoqda. Korxonada hozirda 60 nafar kishi ish bilan ta'minlangan bo'lib, yillik quvvati 6000 tonna.

Xorazm viloyati Ekologiya boshqarmasi matbuot xizmati