Ekologiya, atrof-muhitni muhofaza qilish va iqlim o‘zgarishi vazirligi tasarrufidagi "Xorazm milliy tabiat bog'i"da yovvoyi hayvonlarni qish sovug‘idan betalofat olib chiqish maqsadida qator chora-tadbirlar amalga oshirilmoqda. 

❄️ Qishning qahraton sovug‘i hayvonot olamiga ham jiddiy xavf soladi: Amudaryo qirg'oqlarida joylashgan to'qayzorlarda yashovchi yovvoyi hayvonlar uchun yemish topish qiyinlashadi. Ularni asrab qolish maqsadida “Xorazm milliy tabiat bog'i” ning hayvonlar ko‘p uchraydigan hududlarda yem hashak kabi mahsulotlar qo‘yib chiqildi. 

🍀 Ma'lumot uchun, o'simliklarda hayvonlar tomonidan iste'mol qilinadigan oz miqdorda tuz mavjud. Qishda o'simliklar va tuproqda yetarli miqdorda tuz bo‘lmaganligi sababli hayvonlar kerakli miqdordagi vitaminlarni  olmaydilar.

🐇 Unutmang! Yovvoyi hayvonlarga g‘amxo‘rlik qilish ekologik mas'uliyatimiz va burchimizdir!

Xorazm viloyati Ekologiya boshqarmasi matbuot xizmati