Mamlakatimiz boʼylab “Yashil makon” umummilliy loyihasi doirasida kuzgi koʼchat ekish mavsumi davom etmoqda

Bu borada Hazorasp tumanida ham tizimli ishlar amalga oshirilib, koʼchat ekish ishlari jadallik bilan olib borilmoqda.

Jumladan, bugun tuman hokimining birinchi oʼrinbosari tomonidan “Ming otliqlar” mahallasida seminar tashkil etildi.

Seminar davomida tumanni yashillikka burkashda har bir hokim yordamchisi hissa qoʼshishi lozimligi taʼkidlanib, nuroniylar duosi ostida hokim yordamchilari va mahalla fuqarolar yigʼini raislari ishtirokida 2 gektar maydonga 3000 tup mevali va manzarali daraxt koʼchatlari oʼtqazildi.

Ushbu tashabbus tumanning barcha hududlarida davom qilinib, koʼchat ekish ishlari olib boriladi.