Yangiariq tumanida daraxtlar hududning iqlim sharoitidan kelib chiqib, bogʼlar hosil qilish va koʼkalamzorlashtirishni nazarda tutgan holda tanlab olindi

Endi ular agrotexnik talablar asosida parvarish qilinadi, mineral va organik oʼgʼitlar bilan oziqlantirilib, zararkunandalardan himoya qilib boriladi.
   
Mavsum boshlanishi oldidan Yangiariq tumanida  davlat va jamoat tashkilotlari vakillari, nuroniylar, madaniyat va sanʼat namoyandalari, yoshlar ishtirokida tumanda koʼrgazmali seminar oʼtkazildi.

Seminarda tuman hokimi soʼzga chiqib, kuzgi koʼchat ekish mavsumida tuproq hamda iqlim sharoitiga mos mevali va manzarali daraxt  koʼchatlarini agrotexnologiya talablari asosida oʼtqazish va toʼgʼri parvarishlash muhim ahamiyatga ega ekanligini taʼkidlab oʼtdi. 

Tadbir yakunida nuroniylarning  ezgu tilaklari bilan koʼchat ekishga kirishildi.