Xiva tumanining Sapcha mahallasida ko‘chat ekish bo‘yicha amaliy ko‘rgazmali seminar bo‘lib o‘tdi. Mahalladagi 3 gektar maydonga Xorazm iqlim sharoitiga chidamli turli xildagi manzarali ko‘chatlar ekildi. Tadbirda tuman hokim ko‘chatlarni sifatli ekish va ularni asrab avaylash parvarishlash bo‘ycha har bir fuqaro mas’ul ekanligini, nafaqat ochiq maydonlarga balki aholi yashash xonadonlari oldida, ariq-zovurlar bo‘ylarida ham ko‘chat ekish ishlarini amalga oshirish lozimligi to‘g‘risida so‘z yuritdi.

Jarayonda tuman sektor rahbarlari, idora-tashkilot xodimlari va mahallalardagi faol ko‘ngillilar ishtirok etishdi. Tadbir doirasida tumandagi 34 ta mahallaning har biriga 300 tupdan mevali va manzarali daraxt ko‘chatlari taqdim etildi.  Bu kabi ko‘chat ekish tadbirlari tumanning barcha hududlarida amalga oshiriladi.