Joriy  yilning  25-oktyabridan 1-dekabrigacha butun mamlakatimiz bo‘ylab “Yashil makon” umummilliy loyihasi doirasida kuzgi ko‘chat ekish mavsumi o‘tkaziladi. 

Mavsum boshlanishi oldidan Urganch tumanida  davlat va jamoat tashkilotlari vakillari, nuroniylar, madaniyat va san’at namoyandalari, taniqli sportchilar, yoshlar ishtirokida viloyat ko‘rgazmali seminari o‘tkazildi.

⚡️Seminarda viloyat hokimi Jo‘rabek Raximov so‘zga chiqib, kuzda ekish uchun yetarli miqdorda vohamizning tuproq hamda iqlim sharoitiga mos mevali va manzarali daraxt  ko‘chatlari yetishtirilgani, endigi vazifa tayyor ko‘chatlarni belgilangan muddatda, agrotexnologiya talablari asosida o‘tqazish va to‘g‘ri parvarishlashni yo‘lga qo‘yishdan iborat ekanligini ta’kidladi. 

🌳Tadbir yakunida nuroniylarning  ezgu tilaklari bilan ko‘chat ekishga kirishildi.