🦌Xorazm viloyati bojxona boshqarmasi Kontrabandaga qarshi kurashish boʻlimi xodimlari tomonidan olingan tezkor maʼlumotlar asosida, viloyat IIB va Tabiat resurslari boshqarmasi xodimlari bilan hamkorlikda Urganch tumanida oʻtkazilgan tezkor tadbir natijasida, Urganch tumani buyum bozorining yuk avtomashinalari avtoturargohida fuqaro J.M boshqaruvidagi “ISUZU” rusumli avtomashina xolislar ishtirokida koʻzdan kechirilganida, fuqarolar R.N, R.E, X.H, Gʻ.A hamda Gʻ.Elarga tegishli boʻlgan jami 7 dona polietilen qopda 47 dona bugʻu va 3 dona jayron shoxlari borligi aniqlandi.

👮‍♀️Hozirda mazkur holat yuzasidan bojxona organlari tomonidan surishtiruv harakatlari olib borilmoqda

📕Maʼlumot oʻrnida aytish joizki, bugʻu va jayronlar noyob hayvonlar qatori ularning tana aʼzolari Xalqaro tabiatni muhofaza qilish ittifoqining Qizil roʻyxatiga kiritilgan.