Tabiat resurslari vaziri Aziz Abduxakimov va Yovvoyi hayvonlarning koʻchib yuruvchi turlarini saqlab qolishga doir konvensiyaning Ijrochi kotibi Emi Frankel xonim oʻrtasida onlayn uchrashuv boʻlib oʻtdi.

Uchrashuvda joriy yil 23-28-oktyabr kunlari Samarqand shahrida boʻlib oʻtishi rejalashtirilayotgan BMT Yovvoyi hayvonlarning koʻchib yuruvchi turlarini muhofaza qilish toʻgʻrisidagi konvensiyasining     14-tomonlar konferensiyasi (CMS COP-14)ni yuqori saviyada tashkil etish bilan bogʻliq jarayonlar muhokama etilib, mazkur konferensiyaga BMTning ekologiya va atrof-muhit masalalari bilan shugʻullanuvchi tashkilot va tuzilmalari ishtirokini taʼminlashda hamkorlikni yoʻlga qoʻyishga kelishib olindi.